pencarian

dalam sunyi kurasakan belaianmu
anginpun mengangguk
dalam hening kunikmati sentuhanmu
dan bintang iri menyaksikan tak terbilang uluran tanganmu
ketika dalam senyap kusadar
betapa banyak lumpur membalut tubuhku
sekian lama mengerak dan berakar hingga sumsum paling dalam
pongah kudongakkan kepala mengayun langkah
tiada menoleh
tiada menunduk
hingga akhirnya terjerembab dan berdarah
kucari sungai beriak lembut
untuk membasuh dan lunturkan jelaga tubuhku
disini
aku dapati
yang aku cari

Soal Ulangan Kl VIII

KD: Membaca indah cerkak
Materi : Crita cekak lan tembung garba
Soal

Wacanen kanthi premati cerkak "Kecelik " saka blog iki label Crita Cekak!
Wangsulana pitakon pitakon iki !
I. 1.Sebutna unsur intrinsik cerkak " Kecelik " !
2.Tulisen isi crita cerkak " Kecelik " nganggo ukaramu dhewe !
3.Paringana tuladha warna - warna tembung garba 3 bae !
4. Gawea ukara nganggo tembung garba mau !
5. Sebutake tembung garba kang ana ing wacan !

II. 1. Sapa paraga utama cerkak iki ?
2. Geneya paraga utama ora lunga bareng keluwargane ?
3. Kepriye kahanane ruang tamu paraga utama ?
4. Apa perlune kulawarga padha menyang Tayu ?
5. Kepriye pambijine paraga utama ngenani guru biologine ?
6. Apa kang ditindakake dening paraga nalika tunggu omah ?
7. Kapan tamu teka kirim dhus dhaharan ?
8. Piye sikape paraga yen oleh sega bancakan ?
9. apa bae isi dhus bancakan ?
10. Geneya si Mbak nyuwun pangapura marang ibu ?

Soal Ulangan Kls VII

KD : Dialog tentang tempat Umum. Dialog tema ekonomi,membaca wacana

Balapan ing Dalan Lingkar

Restu : “Ngati –ati yen liwat dalan lingkar anyar Yan !”
Rayan :” Geneya ?”
Restu :”Aku wingi meh cilaka liwat kana. Akeh bocah saumuran awake dhewe padha balapan motor ing kana . salah sijine meh nyrempet aku lan bapakku“
Martino :“Ya pancen asyik balapan ning kana .Dalane aspalan mulus .Yen gelem kowe bisa melu grupku besuk Minggu”
Raka :”Iya No, aku gelem melu .Montorku anyar playune banter. Bapakku mundhute sing paling larang ben menang dianggo balapan.Dakampiri balapan ning dalan lingkar ya!”
Restu :”Dakkandhani ya. Dalan lingkar iku dudu arena balapan trek-trekan.Dalan kuwi kanggo liwat kendaraan bermotor lan mbebayani yen koanggo balapan. “
Raka :” Alah padune omongane wong gething merga ora duwe sepedha motor”
Martino :”Yen pengin kowe cah loro dakboncengake.Pokoke asyiik.Wis ta mengko dakampiri lan dakjajakna bakso. Bocah loro ora apa-apa sing penting kompak. Oke!”
Rayan :” Dadi bonceng telu ? wedi aku No.baksone bae aku gelem.” *ng*

Wangsulana pitakon pitakon iki !
1. Sing nindakake pacelathon bocah …………..
a. 3 b.4 c.5 d.6

2. Restu liwat dalan lingkar wektu………..
a. Saiki b. wingi c.mengko d.sesuk Minggu

3. Sing duwe motor anyar yaiku……………
a. Restu b. Rayan c. Martino d. Raka

4. Sing ajak –ajak melu balapan motor yaiku…………
a. Martino b. Restu c. Rayan d. Raka

5. Ukara pitakon kang mathuk kanggo pacelathon mau…………
a. Geneya Restu liwat dalan lingkar ?
b. Pira cacahe motore Raka ?
c. Kapan Restu liwat dalan lingkar ?
d. Sapa sing gawe bakso?

6. Ukara pitakon kang wangsulane : bocah umur laslasan taun yaiku…….
a. Geneya dalan lingkar kanggo balapan motor ?
b. Jam pira anggone balapan ?
c. Kapan olehe balapan motor ?
d. Sapa kang balapan ing dalan lingkar ?

7. Kepriye watake Raka ?
a. gumedhe,sombong b. ngati-ati c. welas asih d. jirih(wedinan)

8. Manut pacelathon mau dalan lingkar kanggone …….
a. kanggo liwat kendaran roda loro c. kanggo liwat wong mlaku
b. kanggo liwat kendaraan bermotor d. kanggo balapan motor lan trek-trekan

9. Manut pacelathon mau sing patut dituladha watake paraga …………
a. Martino b. Rayan c.Raka d. Restu

10. Andharan kang cocog karo wacana ….
a. Rayan kepingin balapan motor ing dalan lingkar
b. Restu ngandhani kancane supaya ngati ati liwat dalan lingkar amarga dadi arena trek- trekan
c. Martino motore anyar regane paling larang
d. Raka kepingin diboncengake motor liwat dalan lingkar

Emir : “ Badhe nabung ngisi blangko ingkang pundi , Mbak ?”
Chyta : “ Sing kelir abang dhik. Bisa ngisi ta ?”
Setyo : “ Saged mBak. Piyambake pun nate ngisi kok”
Chyta :” O ya wis. Diisi lengkap ya dhik.”
Emir : “ Wadhuh aku lali nomer rekeninge Mbakyuku. Mau dititipi Bapakku transfer kanggo mbakyuku sing ning Yogya”
Setya :” Piye leh. Mau ora mbokcathet nomere.Mulih sik kana lho, takon nomere. Saake mbakyumu mesthi wis ngarep- arep kiriman saka Bapakkmu”
Chyta :” Yen kagungan HP bisa SMS dhik. Ora kesuwen . Lha dhuwite lali apa ora ? “
Emir :” Wah iya SMS bapak wae. Niki arta pun kula bekta Mbak.”

11. Pacelathon mau cengkorongan sing mathuk .
a. migunakake transaksi ekonomi ing Bank
b. migunakake transaksi ekonomi ing pasar
c. migunakake transaksi ekonomi ing sekolah
d. migunakake transaksi ekonomi ing rumah sakit

12. Sing ditindakake dening Emir yaiku ………..
a. nabung ing Bank
b. njupuk dhuwit ing Bank
c. nabung lan kirim dhuwit ing Bank
d. kenalan karo teller bank

Demam IC

Mulih sekolah tas diuncalake. Wiiing Tiba ing ngarep TV. Bubar kuwi cepet-cepet mbukak kaos kaki lan nyopot sepatu. Ora beda uga banjur diuncalake. Saiki tiba ing sisih kursi makan. Karo bengok – bengok dheweke banjur celuluk……..
“ Cepeeet. Aku ngeliiiih Endi piring lan ngombene.Selak ngelak iki lhooooo. Ndang gelis selak aku matiiiii”
Ibune kang isih repot ana pawon mung ngelus dhadha.Ing jero ati tansah nyebut nyuwun tambah kesabaran lan kekuwatan ngadhepi anak lanange kang kalakuwane kaya mangkono

“ Iki ngger cah bagus. Dipangan ya ngger, nanging sragam sekolahe dicopot dhisik . Kuwi TV ne wis wiwit siyaran Idola Cilik.Artis Idolamu sedhela maneh nyanyi. Isin lho nonton Idola Cilik during salin sragam “ pambujuke ibune
“ Iya .nanging dulang Ibu lho ya…”wangsulane anak lanang karo aleman. Tangane ndudul remot mbanterake siaran TV
“ Buuuu Okky Lukman tampil karo Lintar lan Rio, Bu. Aku kepengin bisa tampil ing Idola Cilik kaya Lintar !”
“ Iya, nanging kudu sregep latihan nyanyi ora kok bengak bengok bae !”
“ Kan latihan olah vocal, Bu “ wangsulane anak lanang ora gelem kalah
Ibune mesem., ngerti karepe anake geneya keri keri iki kerep bengak-bengok.*nung*

13. Paraga wacan iki……….
a. Okky Lukman lan Lintar c. Ibu lan Okki Lukman
b. Okky Lukman, Lintar lan Rio d. Anak lanang lan Ibu

14. Wektu dumadine crita iki wayah………
a. mulih sekolah c. siaran TV
b. bengak –bengok d. arep mati

15. Ngisor iki wewatekane anak lanang….
a. kesed b. aleman, c. sregep d. setiti

16. Andharan kang cocog karo isi wacan………….
a. Anak lanang kepingin kaya Okki Lukman dadi presenter IC
b. Anak lanang kepingin pinter nyanyi dadi Idola Cilik
c. Anak lanang sregep latihan vocal karo ibune
d. Anak lanang melu audisi Idola Cilik

17. Andharan kang cocog karo isi wacan…….
a. Okki Lukman artis idolane anak lanang
b. bengak – bengok minangka tandha protes weteng ngelih
c. anak lanang duwe pepenginan pinter nyanyi bisa tampil ing Idola Cilik
d. ibu dadi pelatih olah vocal ing idola Cilik

18. Dudutan kang bisa ditarik saka wacan..
a. aja bengak bengok yen mulih sekolah
b. aja nguncalake klambi lan sepatu yen mulih sekolah
c. sregep sinau lan latihan kanggo nggayuh pepinginan
d. kudu sabar ngadhepi anak lanang

19. Amanat cerita mau ………..
a. supaya bisa kasil kudu gladhen lan sinau
b. artis Idola Cilik kudu bisa bengak-bengok
c. Ibu kudu bisa dadi manajer sing apik
d. yen dadi artis mangan didulang

20. Rampungna ukara iki supaya dadi paragraph sing sampurna !

Sekolahku manggon ing Kalidoro. Saben awan akeh sing padha …(a)…..ing ngarep sekolahan. Ana bakul es buah, bakso, …(b)….., martabak, sempolan lan liyane. Anggone padha dodolan nganggo …….(c)…………utawa ditumpakake sepedha / motor. Bab iki …(d)……bakule yen sawayah – wayah pindhah panggonan luru papan sing reja. Pancen luwih praktis tinimbang jaman biyen sing anggone dodolan mung ……..(e) …….utawa digendhong.

Wangsulan : dipikul, dodolan, grobag surungan, batagor, nggampangake

Soal Ulangan kls VIII

KD: Menulis pengalaman pribadi, Berbicara menyampaikan pesan, menulis ketrampilan hidup

1. Sawise rumangsa bisa ngadeg rodha loro, sepedha dakpancal alon-alon. Atiku seneng banget ngolahi pedhal sepedha. Bel dakunekake banter ngagetake bakul penthol kojek kang lagi dirubung bocah cilik – cilik. Wah... atiku mbedhodhog. Saking senenge ora krasa yen anggonku milih dalan wis ngglewar kliwat dalan aspalan. Aku gugup ora bisa ngendhaleni setang wusana gubraaak.... aku nabrak pagere Pak Darto . Slamete aku ora nabrak bakul penthol. Lha rak mbebayani wong ana kompore barang.........
Tulisan iki minangka pengembangan kerangka ...........
a. Rebutan jajan pasar c. Pentas seni udan deres
b. Andri tiket terusan d. Numpak pisanan nabrak pager

2. Yen ditilik saka ukarane nalika nulis ing dinding utawa komentare pancen wuihhh romantis banget kaya –kaya piyee....ngono. Ditambah foto sing dipasang lagi nggaya . Jan kaya artis Rezky Aditya.Dakwaca infone muni mangkene : Hubungan : .......Mencari : ...... ana kesempatan kanggo PDKT , pikirku.Mula bareng ana kalodhangan ketemu langsung atiku bungah banget. Nanging aku dadi gela bareng ketemu dheweke wis nggandheng wanita.Aku diapusi . Aku banjur ngrungokake MP3 kang nyanyi lagune Ratu : lelaki buaya darat,busyet aku tertipu lagi....
Topik cerita pengalaman pribadi ing dhuwur yaiku...........
a. Korban FaceBook c. Betah ngenet
b. OL asyik d. SMS nyasar

3. Apa kang dialami dening aku ?
a. Kepencut Resky Aditya
b. Ngrungokake lagune Ratu
c. Kepencut pawongan memper Resky aditya
d. Kuciwa marang wong wadon gandhengane kancaku

4. Kepriye pambijimu yen tulisan mau minangka critane kancamu ?
a. Kancaku bodho gampang kapusan
b. Kancaku pengalamane lucu lan dheweke pinter crita ukarane runtut
c. Kancaku kurang pangati- ati bisa diapusi
d. Kancaku gampang kepencut rupa manis tembung lamis

5. Tuladha ukara tanggap ing carita mau kayata ....
a. Dheweke wis nggandheng wanita.
b. Dakwaca infone muni mangkene....
c. Aku banjur ngrungokake MP3 kang muni lagune Ratu
d. Nalika nulis ing dinding ukarane romantis banget

Teks Pacelathon durung sampurna kanggo mangsuli pitakon
Yakub : “Assalamualaikum..”
Mbah Darsa : “ Waalaikum salam “
Yakub : “ Nuwun sewu mbah, ..........6........................“
Mbah Darsa : “ ana perlu pa le ?
Yakub : “ ...............................7......................................”
Mbah Darsa : “ ya mengko dakteka ning nggone Bapakmu !
Yakub : “ ......................8.............................”
6. Ukarane Yakub .................
a. Mbah Darsa kersa rawuh kajatan ?
b. Mbah Darsa mangke rawuh teng nggen bapak kula nggih, enten kajatan
c. Mangke dhateng kajatan nggih mbah
d. Mangke bakda Isya dipunaturi rawuh kajatan wonten dalemipun Pak Kadi

7. Yakub matur .......................
a. saperlu kintun donga sewunipun simbah
b. dolan mbah teng nggen bapak kula
c. nggih kumpul kumpul kalih donga mbah
d. andum berkat mbah...

8. Yakub matur ............
a. wis mbah c. Sampun mbah, matur nuwun.Pareng
b. pamitan mbah d. da da mbah

9. Cengkorongan gawe tulisan ketrampilan urip ngenani Gethuk minangka pangupajiwa
i. Carane gawe gethuk
ii. Carane adol / masarake
iii. Bahane gampang diluru
iv. Akeh kang karem gethuk
Urut-urutan gawe cengkorongan kang mathuk :
a.( ii) (iii) (iv) (i) c. ( ii) ( iv) (i) ( iii)
b. (iv) ( iii) (i) ( ii) d. ( iii) ( i) ( iv) (ii)

10. Tela pohung punika taneman ingkang kathah dipun tanem sedherek tani. Kathah ugi dipunsade ing peken. Upami gadhah pekawisan inggih gampil anggenipun nanem, saupami boten gadhah ugi gampil lan mirah menawi tumbas wonten peken. Setunggal kilonipun watawis Rp 1500 .
Tulisan iku minangka pengembangan kerangka ..............
a. Akeh kang karem gethuk c. Carane gawe gethuk
b. Carane adol d. Bahane gampang diluru

11. Gethuk ingkang sampun siap dipundhahar punika wujudipun mengkal gampil dipuniris tipis-tipis. Anggenipun dhahar dipunwuwuri parutan krambil utawi srondeng. Sinambi ngunjuk kopi wah.... eco sanget dhahar gethuk punika. Gethuk kathah dipun sade wonten peken dipunbungkus ron pisang kawastanan tum/ pincuk / tempelang. Kathah ugi ingkang dipunsade mider urut kampung dening mbak-mbak bakul numpak sepeda wanci sonten.
Tulisan iki pengembangan kerangka ...............
a. Carane adol c. Carane gawe
b. Akeh kang karem gethuk d. Bahane gampang diluru

12. Sing gawe tulisan ketrampilan urip Gethuk minangka pangupajiwa iku bok menawa bocahe .............
a. Senengane mangan gethuk c. Wong tuwane dodol gethuk
b. Omahe cedhak bakul gethuk d. Kabeh bener

1. TERNYATA.........

Aku benci Bapak ! Aku benci Bapak !
Kalimat ini kuucapkan berkali – kali. Bagaimana tidak benci ? Akhir – akhir ini sikap Bapak berubah drastis. Biasanya sayang dan perhatian sekali sama aku dan Ibu. Tiap kali aku minta diantar les menari atau jalan – jalan sore selalu dituruti. Kadang juga menemaniku belajar dan mengerjakan PR malam hari. Tapi kali ini tidak. Bahkan pulang kantor hari sudah malam.
“Bu,kenapa sih sekarang Bapak jadi lain ?,” tanyaku pada Ibu suatu pagi.
“ Lain bagaimana , Loli ?”, sahut Ibu lembut.
“ Ya, lain. Jarang bersama kita lagi. Sama aku cuek. Padahal kemarin – kemarin suka main catur atau main PS bareng Aku. Sekarang bertemu di depan pintupun diam saja , “ kataku dengan dongkol.
“ Itu hanya perasaanmu saja. Bapak sayang kamu, Loli. Tuh, kamu dikasih uang saku. Pesannya tadi sebelum pergi, kamu disuruh berangkat sekolah naik angkot. Memang akhir –akhir ini kesibukan Bapak bertambah banyak, “ kata Ibu sambil menuang teh ke dalam gelas.
“ Sebel. Naik angkot kan bayar, Bu. Berjubel lagi ”.
“ Iya. Makanya Bapak menambah uang sakumu untuk ongkos. Kamu harus belajar sabar dan menghargai orang lain, “sambung Ibu sambil membelai rambutku. Ini yang membuatku tak mampu untuk membantahnya lagi.
Mengapa Ibu membela Bapak ? Bukankah jika Bapak pulang telat berarti Ibu harus mengambil alih pekerjaan Bapak di sore hari ? Menyiram bunga dan memberi minum burung adalah salah satunya. Padahal bunga dan burung di rumah cukup banyak. Ingin Aku membantu Ibu tapi tidak bisa karena tiap sore Aku les dan kursus ini itu .........
Siang itu Aku pulang sekolah bareng Zahra dan Harun. Dalam perjalanan kami asyik ngobrol mengomentari penjelasan Bu Hesti guru kesenian kami.
“ Wah asyik dong sekolah kita tampil pertama dalam Festival Seni besok malam,” kata Zahra membuka obrolan sambil mulutnya komat – kamit mengunyah permen karet.
“ Iya, ini kan acara bergengsi. Pesertanya banyak. Pasti bagus – bagus,” sambung Harun tak kalah semangat.
“ Sekolah kita menampilkan fragmen Ramayana. Pemainnya siswa kelas V dan VI. Kakak Musa main jadi Wibisana, adik Rahwana yang baik hati dan ksatria, pas banget dengan karakter kakakku ,” kata Harun bangga.
“ Kalau kamu cocoknya jadi Anoman, kera putih utusan Rama “, kataku bercanda. Serentak tawa kami pecah.
“ Nggak apa –apa. Anoman kan duta yang setia menjalankan tugas. Tanpa bantuan Anoman tak mungkin Rama bisa bertemu Dewi Sinta”, bela Zahra.
“ Besok kita kita nonton rame – rame. Sama papa mama juga. Aku sudah dapat tiketnya,” sahut Harun.
“ Oke “, sahutku dan Zahra serempak.
Esok malamnya Aku nonton Festival Seni bersama Ibu. Benciku pada Bapak semakin menggunung karena tak menyisihkan waktu untuk nonton Festival bersama kami. Bahkan seharian ini Bapak tidak pulang.
“ Sudahlah Loli. Yang penting kamu bisa nonton. Masih banyak kesempatan untuk nonton bareng Bapak lain waktu,” kata Ibu menghiburku.
Malam itu suasana gedung pertunjukan sangat ramai. Kulihat kawan – kawanku nonton bersama keluarganya. Para penonton tertawa terpingkal – pingkal ketika 2 orang badut berpakain Gareng dan Petruk beraksi membuka acara. Pertunjukan sangat istimewa. Penonton larut dalam cerita yang ditampilkan oleh kawan – kawanku. Aksi mereka di panggung sangat menawan. Tepuk tangan membahana saat Gareng dan Petruk menutup acara.
Para penonton puas. Kulihat Bapak Kepala Sekolah menerima banyak ucapan selamat dari para tamu. Di pojok gedung, sekelompok anak seusiaku mengerumuni sesuatu. Dengan rasa ingin tahu aku menghampiri mereka.Ooh mereka mengajak Gareng dan Petruk foto bersama. Silih berganti mereka mengambil gambarnya. Tiba – tiba si Gareng mendekatiku, langsung merangkulku. Belum hilang rasa kagetku , kudengar dia berkata ,” Loli sayang, maafkan Bapak ya, tidak memberitahumu. Bapak ingin membuat kejutan untukmu. Malam ini kamu hadir bersama Bapak Ibumu bukan ? “
Semua mata tertuju pada kami. Ekspresi kagetku terekam di kamera kawan – kawanku. Lucu sekali. Bapakku ternyata seniman kelas tinggi dan itu baru kuketahui. Kini aku punya julukan baru : Loli Gareng .............***280305

4. KECELIK

Kesel banget rasane awakku sawise patang dina konsentrasi nggarap soal Uji Coba UN ing sekolah .Omah sepi jalaran wong tuwa lan sedulurku padha sowan simbah ing Tayu wiwit mau esuk. Dhekwingi ana kabar bulik Sri sing sadalem karo simbah babaran putrane mbarep kakung, ngiras tilik kawilujengane simbah bubar gerah wingenane.Daksawang ruang tamuku resik lan sarwendah sawise ibu masang pot godhong gelombang cinta, ngganti korden lan masang sarung bantal kursi anyar.Walah jeneng kok gelombang cinta, batinku.Gek gek liya dina ana tanduran aran badai asmara , tomat rebonding, kanggo ngimbangi cabe kriting.

Kanggo ngisi wektu aku mbukak computer, ngakses internet golek materi kanggo nggarap tugas biologi.Wah guruku siji iki yen maringi tugas jiaaaan nganyelake banget.Dupeh fasilatas sekolahku sarwana banjur maringi tugas warna - warna.Pokoke bocah – bocah digawe betah ora betah mesthi suwe ing sekolah.Mbuh ngitung suket ing lapangan, ngitung kendaraan sing liwat ing ngarep sekolah, apa nguthak-nguthek mikroskup ing lab. Sing gawe bocah-bocah seneng ya diseteleke CD interaktif

Lagi penak-penake donlod materi keprungu swara wong uluk salam

“Kula nuwun…”, aku mlengak ngungak njaba. Ing ngarep lawang wis ngadeg bocah saumurku nggawa tas isi kardus

“Mangga mbak, badhe kersa punapa ?” takonku. Atiku kroncalan nyawang tas isi kardus. Mesthi bancakan sega salawuhe, pikirku.

“ Punika Pak Darto dipunaturi dhaharan saking Pak Brata”, wangsulane si mbak karo mesem. Manis banget.

“ Inggih mbak matur nuwun,”aku sumaur bungah banget. Si mbak sing manis eseme banjur pamit mulih. Aku ora sabar enggal enggal ndhudhah kiriman sega salawuhe. Mbuh geneya yen ana sega bancakan wetengku mesthi langsung nyanyi lagu keroncong lan dhangdhut seru banget. Telap –telep anggonku mangan sega lawuh pitik bumbu bali, ora lali mi goreng lan acar uga daksok ing piring. Wah enak tenaaannn.

Lagi enak-enak nyokot tempe gorenge dumadakan keprungu swara lawang ngarep dithothok. Sapa ta iki ngganggu wong mangan ?

“Nuwun sewu mas, nyuwun pangapunten. Kalawau dhaharanipun klentu alamatipun. Ingkang leres kagem Pak Darto RT 4, sanes Pak Darto RT 1 ngriki. Pramila badhe kula suwun malih dhaharan kalawau.Nyuwun pangapunten mas.”

Sanalika aku gragapan Ngelingi isi dhus wis ngalih ing wetengku.Piye olehku mangsuli ? Saka njaba keprungu swara mobil mlebu ing latar.Wong tuwa lan dulurku teka sekeng sowan Simbah lan tilik bayi. Si mbak dakaturi pinarak dhisik.Ibu dakplayoni terus dakcritane prelune si Mbak tekeng omah.Ibu manthuk – mant huk karo mesem.

Wis mbak , mengko Ibu sing ngaturake menyang Pak Darto RT 4 .Ibu dhewe mengko sing matur rana lha dhuse wis didhudhah ki, nuwun sewu ya mbak. Ngapurane ya, bocah pancen ngawur dudu bageyane kok dipangan.” Ngendikane ibu alus

“O inggih Bu matur nuwun,nyuwun pangapunten kula ingkang lepat.Boten kula tliti alamatipun. Nggih sampun menawi makaten kula nyuwun pamit”

Sapungkure si mbak sedulurku padha ngguyu nyekakak ngece aku.Isiiiiin***180110

3. KembangeTuru

Wengi iki rasane atiku ora kaya padatan.Rasa was sumelang ngreridhu saranduning badan wiwit mau awan. Sakabehing tumindakku kaya kaya ora kabeneran.Ah ... aku nggresah. Apa bener impen sing ngrenggani turuku mau bengi ? Ujare wong akeh impen mono kembange turu. Yen impen mau impen kang endah lan nyenengake mesthi wae seneng olehe nanggapi. Lha yen impen kang ala utawa isi sasmita sungkawa apa ora gawe susah lan mutawatiri ? Lan iki sing dakalami-.Mbah Kakung sing daktresnani ngalami kacilakan lan dadi korban tabrak lari.

Mbah kakung mono mujudake pawongan kang akeh banget labuh labete ing panguripanku. Panjenengane ngancani lan nyukupi kabeh kabutuhanku saben dinane. Sih katresnane marang aku tanpa wilangan. Bapak ibu sibuk ngurusi pakaryane minangka pejabat ing kantor pemerintah. Pikiranku nyandhak tekan ngendi endi sing paling ala kang bakal dumadi. Daksebut asma Allah kanggo nentremake ati. Dakombe segelas susu kanggo nambah daya amarga saawan aku ora doyan mangan, banjur mapan turu.

Jam lima esuk aku tangi, salat Subuh banjur ngrewangi Mbah Putri masak sambel goreng tahu lawuh kasenenganku.Aku ora nyritakake impenku marang bapak ibu. Simbah putri lan adhiku utawa mbah kakung dhewe. Daksimpen primpen ing thelenging ati lan dedonga muga muga iki mung kembange turu.

Jam nuduhake angka nem punjul selawe menit. Indi kancaku wis teka ngampiri.

“Assalamualaikum. Kula bidhal”, aturku marang wong tuwaku karo ngaras astane.

“ Waalaikumsalam, ngati-ati olehmu numpak pit !” saurane Ibu karo ngelus –elus rambutku. Mbah Kakung wis nyiapake sepedha kang katon gilap rampung dilapi lan niti priksa ban ora gembes, banjur daktumpaki alon – alon bareng Indi.Ora nganti sepuluh menit aku sakloron wis tekan sekolah.

“ Piye kabarmu malem minggu wingi Na ? Sibuk persiapan Olimpiade Matematika Nasional sasi ngarep ?” pitakone Indi rekane dadi wartawan koran lokal.

“ Eh raimu kok katon suntrut, mripatmu rada abang kaya bar nangis apa piye ?” Veni lagi teka langsung takon kaya mangkono.

Kalorone ngajak aku lungguh ing taman sekolah. Daksawang taman kang asri kebak kekembangan endah mawarni. Wit-witan lan sesuketan teles bar disirami tukang kebon katon seger. Pot-pot tumata tharik-tharik ing tritis laborat IPA gawe tentreme pikir ok sapaa sing nyawang. Nanging dina iki sesawangan endah mau rinasa ampang.Dakcritakake kabeh impenku marang kanca raketku amarga aku ora kuwat ngempet. Ora krasa luhku dleweran.

“Wis ta Na,kowe ora perlu susah. Aku yakin iki mung kembange turu bae. Kowe kudu bisa ngilangake pikiran ala, aja nganti dadi pepalang persiapan olimpiade matematika mengko” kandhane Dina ngeyem yem aku.

“Biasane impen ala malah tumuse apik.Yen impen apik malah kosok baline. Aku tau ngimpi masku dadi nganten lan pestane gedhen rame banget. Aku seneng. Nanging bareng dakcritakake impen mau marang bapak ibuku penjenengane malah katon susah. Ora suwe sawise aku ngimpi masku kapundhut amarga kapal sing ditumpaki ngalami kacilakan katrajang gedhening ombak ing Samodra Hindia. Mula kowe aja susah,muga muga iki pratandha kowe bakal kasil ing olimpiade mangko”.Tembung iki gawe tentreming atiku. Matur nuwun Gusti, Panjenengan maringi kanca ingkang saged nglipur kula. Aku sakanca banjur mlebu kelas amarga bel wis muni.

Thok thok thok ! swara lawang kelasku dithothok saka jaba. Bu Anik, guru BK rawuh lan nimbali aku supaya sowan ing ruangane. Tuwuh maneka tandha pitakon ing pikiranku. Bareng aku wis lungguh ing kursi “pasien” Bu Anik ngendika.

“ Rina iki mau ana kabar saka kulawargamu. Mbah kakung ngalami kacilakan nalika nyabrang arep tindak ing toko buku Puas”.

Alus swarane Bu Anik keprungu kaya bledheg ing kupingku. Kelingan wingenane aku nyuwun dipundhutake novel Laskar Pelangi dening Mbah Kakung minangka kado ulang tahunku kang ka 14. Aku rumangsa luput lan dosa gedhe marang Mbah kakung. Ya Allah, impenku kasunyatan ! Sanalika panyawangku dadi kumepyur.Atiku trataban kaya ana tetabuhan. Sawise bisa nata ati aku balik ing kelas saperlu njupuk tas lan pamit mulih. Ora lali aku ngandhani Vina sing lungguh jejer aku.

Awan iki kelas rame banget. Guru basa Jawa ora rawuh amarga penataran ing Semarang. Tugas sing diparingake guru piket ora digatekake dening bocah-bocah klas IX F.

“ Din..Dina ,geneya Rina kok mulih dhisik ?” pitakone Andi karo ndudul gegere Dina. Sing duwe geger noleh lan mangsuli.

“ Mbah Kakunge Rina kacilakan dhek mau” wangsulane Dina.

“ Ooo .Ben lara sing suwe aja cepet mati. Yen wis ngono Rina ora bisa konsentrasi ngadhepi Olimpiade. Cihuiii ... aku bisa ngranggeh posisi utama sing sasuwene iki dilungguhi Rina, iya ta? Andi ngomong karo Dina. Sing dijak ngomong manthuk karo ngacungake jempol tangane.

“Kurang ajar. Duwe kanca atine ana wulune. Yen serik karo Rina ora ngono carane.Ngono kuwi dicakna ning awake !Coba yen sing kacilakan iku wong tuwamu dhewe, apa kowe ora susah ?” Saure Vina karo tuding-tuding drijine ngarah Andi.

Ngadeg nyet Andi nyauri ora kalah sora.

“ Lha sasuwene iki Rina angel banget diasorake. Terus terang kedadeyan iki dadi kalodhangan kanggoku supaya gegayuhanku kasil”.

“ Wong lanang kemangi! Ora sportif ! He rungokna ! aku ora lila saingan prestasi kanthi cara iki. Dakdongakna kowe ora lolos seleksi ing Olimpiade Matematika mengko ! “. Indi sing kawit mau meneng bae nyambung. Sanalika kelas dadi rame .

“ Bocah bocah, ana apa iki kelase rame banget ?” swara manteb keprungu nalika Pak Bambang ngendika. Sanalika kelas malik grembyang kaya kuburan. Ora ana sing mangsuli pandangune Pak Bambang, banjur mbacutake olehe ngendika.

“ Bapak pirsa kanthi cetha wong kawit mau mirsani saka saka jendhela. Sanajan ora kowangsuli Bapak iya wis uninga kang dadi jalarane rame. Andi, Pak Guru gela kowe duwe watak kaya mangkono. Mesthine kowe melu sedhih keluwargane kancamu nampa musibah, amarga kancamu iya sedulurmu. Ayo didongakake supaya kang nandang gerah enggal waluyajati, dene kang bagas waras tansah diparingi kaslametan !”.

“Minangka tandha paseduluran lan ngakoni kaluputan, becike Andi mengko sore tilik simbahe Rina ing rumah sakit Mardi Waras. Gusti Allah kuwi ora sare lan pirsa sakabehing tumindakmu kalebu ucapanmu mau. Dakpujekake Rina lan Andi lolos Olimpiade Matematika lan kasil dadi juara!” ngendikane Pak Bambang.

Kabeh siswa sing krungu padha mesem sajak marem lan nyarujuki ngendikane Pak Bambang.

“ Ven, kowe percaya impene Rina wingenane minangka sasmita saka kang Maha Kuwasa ? “pitakone Indi lirih marang Vena.

“ Ah iku mung kabeneran bae. Muga muga mengko bengi aku ngimpi dadi pacare Nicholas Saputra , sapa ngerti dadi kasunyatan” wangsulane Vena.

Rampung muni ngono bocah loro banjur ngguyu bareng.***280706